المغرورة - شعر ملحون
كلمات الشاعر مداد اسماعيل
حصريا لمنتدى جسور التواصل المغرورة ملحون
المغرورة
اطلع شانك يا لمغرورة وعلاه و نايّا منيش نعشق من والــــــه

مانحتاج المال منك و لا جــــاه مــا نحتاج الحب عند الـــــدلاله

نعشق في كرامتِ تسوا قــــداه سقســــي عني فالنسا و الرجالــه


سماوكْ حنان حنانــــــــك وراه راني شفتك طايرة ضركه أقبـاله

لو ما بيا صاحبك قلبي يهواك إضلْ إمجدْ فيـك كيما لغزالــه

عيب أنعاون فيه و حليل مقواه مهما قـــاع الناس قالـــــــول لا لا

خفْت يقلطْ في روحي و نطيح معاه كيما راكي قالطـــــــه في الرجاله


الباطل باطل يا طفلة هذا معناه لبدى تصفى أو تظهــــــر لحْــــثاله

راه الظلم اصعيب منك عيب علاه ودنيا ساعه بساعـــــــه بدالـــه

أنوكل ربي و نستغفر بسمـــــــــاه لعلـــــى يهد يك اللّه تعلــــــى


بن مداد النايلي واضح معنــــــاه و امجدل تلقاه شيخ القوالــــه

نستسمح من لي أجرحْت ما ننساه بينا شفنا حالتُ ما هي حالــــه

شكيتُ مغروم وأغرام ُ عيــــــــاه اطلع شانُ في الدنيا جات دالــــه

خفتُ يندم و ندم يقتل مـــــــــولاه ولي ندمْ يا ســـامعْ جهالــــــــــــه




hglyv,vm - auv lgp,k